Elliði Vignisson, oddviti Sjálfstæðisflokksins sagði í samtali við Eyjafréttir í dag að hann hafi átt von á góðri niðurstöðu úr sveitarstjórnarkosningunum í gær. �??Við erum búin að finna það síðustu átta ár, og einnig í aðdraganda þessara kosninga, að við höfum meðbyr hér í Vestmannaeyjum. Í ljósi þess átti ég von á því að niðurstaða kosninganna yrði góð en ég viðurkenni það að árangurinn nú fór fram úr vonum bjartsýnustu manna.�??

�??�?g tel að hann helgist fyrst og fremst af tvennu. Annars vegar veit fólk fyrir hvað við stöndum. Við höfum verið með óbreyttan meirihluta í átta ár og það er fátt sem kemur á óvart. Niðurstaða kosninganna er í raun stuðningur við þau verk sem meirihlutinn hefur innt af hendi. En hins vegar er það þannig að ekkert framboð nær árangri nema að vera með mikið og gott mannaval á lista. Okkur tókst að stilla upp lista með fólki sem bæjarbúar hefur trú á.�??

�??Niðurstaða kosninganna sýnir að kjósendur eru ekki að óska eftir miklum sviptingum í rekstri bæjarins. Við förum því inn í næstu fjögur ár eins og við höfum gert síðustu átta ár, að reka bæjarfélagið á skynsaman máta, fara vel með skattpening bæjarbúa, halda þjónustustigi eins háu og við höfum gert og að gæta hagsmuna samfélagsins hér.�??

�??Já það hefur alltaf legið fyrir. Á meðan ég segi ekki upp eða er ekki sagt upp, þá er ég bæjarstjóri.�??