Það verður í nógu að snúast fyrir boltaunnendur í Vestmannaeyjum í dag en þrjú af fimm meistaraflokksliðum spila í dag. Kvennalið ÍBV ríður á vaðið klukkan 13:30 þegar liðið tekur á móti Íslandsmeisturum Fram en liðin háðu harða baráttu í undanúrslitum Íslandsmótsins í fyrra, þar sem Fram hafði að lokum betur 3:1. Hálftíma síðar, eða klukkan 14:00 verður svo flautað til leiks í síðustu umferð Pepsídeildar karla í fótbolta en ÍBV tekur á móti Þór á Hásteinsvelli.