Funda vegna frekari tjónabóta
9. apríl, 2024
vatn_logn_08_op
Vatnslögnin milli lands og Eyja skemmdist á síðasta ári og enn er ekki útséð með viðgerð á henni. Eyjar.net/Óskar Pétur Friðriksson

Tjón á neysluvatnslögn var til umfjöllunar á fundi bæjarráðs Vestmannaeyja á föstudaginn var.

Fram kemur í fundargerð að vátryggingafélag útgerðarinnar hafi viðurkennt bótaskyldu vegna tjónsins á neysluvatnslögninni og eiga bætur að koma til greiðslu á árinu 2024. Ljóst er að tjónið er langt umfram hámark vátryggingabóta og munu fulltrúar Vestmannaeyjabæjar og HS Veitna funda með Vinnslustöðinni í þessari viku vegna frekari tjónabóta.

Bæjarráð fór yfir drög að viljayfirlýsingu milli Vestmannaeyjabæjar og HS Veitna er snúa að viðbrögðum við tjóninu á vatnslögninni, lagningu nýrrar vatnsleiðslu í samráði við HS Veitur og frekari framtíðarsýn fyrir vatnsveituna. Bæjarráð samþykkti drögin að viljayfirlýsingunni fyrir sitt leyti.

https://eyjar.net/tjonid-haerra-en-tryggingabaetur/

Skoða blaðið á netinu
Forsida 12 Tbl 2024
12. tbl. 2024
Mest lesið
viðburðir
Fylgstu með

Skráðu þig á fáðu nýjustu tilkynningar fyrst