Lögreglan hafði í ýmsu að snúast í vikunni vegna hinna ýmsu mála sem upp komu. Helgin fór ágætlega fram og lítið um útköll lögreglu á skemmtistaði bæjarins. Að morgni 20. febrúar var lögreglunni tilkynnt um að bifreið hafi verið stolið þar sem hún stóð við Kirkjuveg 57. Skömmu síðar fannst bifreiðin á Smáragötu og í framhaldi af því voru fjórir aðilar handteknir, tvær konur og tveir karlmenn, sem voru gestkomandi í íbúð á Smáragötu. Við leit í íbúðinni fundust smáræði af fíkniefnum sem tvö af þeim handteknu viðurkenndu að eiga.