Knattspyrnudeild ÍBV stendur fyrir futsal móti í Íþróttamiðstöðinni á morgun, laugardag. Mótið er ætlað fyrirtækjum og vinahópum og fara leikirnir fram í sal 1 og 2. Mótið hefst um hádegisbil og dagskráin heldur áfram fram á kvöld með lokahófi í Týsheimili. 

Fyrstu leikir mótsins hefjast klukkan 12:15 og verður keppt fram eftir degi. Stefnt er að því að ljúka mótinu um klukkan 18:00. Frá klukkan 18:00 verður frítt í sund fyrir alla þátttakendur mótsins.

Klukkan 20:00 hefst lokahóf í Týsheimili þar sem boðið verður upp á pub quiz og tónlist frá Túbador. Opið hús verður í Týsheimili og eru allir hjartanlega velkomnir.

Það er því fjölbreytt dagskrá fram undan á vegum knattspyrnudeildar ÍBV á morgun, bæði fyrir þátttakendur mótsins og aðra gesti.