Ívar Atlason hjá Hitaveitu Suðurnesja sagði í samtli við Eyjafréttir að nú væri fylgst vel með vatninu sem berst til Eyja. Vatnsból Eyjamanna er aðeins í þrettán kílómetra fjarlægð frá gosinu í Eyjafjallajökli en Ívar segir að prufur sem teknar voru í morgun, hafi sýnt að vatnið væri í góðu lagi. „Við tókum sýni klukkan sjö í morgun, bæði hér í Eyjum og í tengibyggingu við Markarfljót og sýni þar sýndu að vatnið væri eins gott að það getur orðið.“