Gísli Valtýsson - Alltaf traustur bakhjarl

Eyjafréttir
·
Fréttir
·
10. janúar 2025

„Gísli Valtýsson er Eyjamaður ársins 2024 að mati Eyjafrétta. Er lærður smiður og prentari og tók við rekstri Eyjaprents/Eyjasýnar árið 1982 sem hann stýrði í rúm 30 ár. Stærsta verkefnið var útgáfa Frétta og síðar Eyjafrétta sem í áratugi kom út einu sinni í viku. Það var þrekvirki og vinnutíminn oft langur en allt hafðist þetta. Gísli þó alltaf til í að fara inn á nýjar brautir. Má þar nefna sjónvarpsstöðina Fjölsýn sem framleiddi eigið efni og fréttavefinn eyjafrettir.is,“ sagði Ómar Garðarsson, ritstjóri Eyjafrétta við afhendingu Fréttapýramídanna í Eldheimum í dag.

„Ýmislegt hefur breyst, sjónvarpsstöðin ekki lengur til, Eyjafréttir koma út einu sinni í mánuði en fréttavefurinn okkar, eyjafrettir.is hefur aldrei verið öflugri. Er það í takt við nýja tíma.

Eyjasýn fagnaði 50 ára afmæli á síðasta ári og eru Eyjafréttir með langelstu fjölmiðlum á landsbyggðinni. Þar hefur saga Vestmannaeyja verið sögð á þúsundum síðna, í hundruðum og jafnvel þúsundum klukkustunda af sjónvarpsefni og á vefsíðunni eyjafréttir.is sem aldrei sofa.

Fjöldi gesta var viðstaddur afhendingu Fréttapýramídanna.

Eyjamaður af lífi og sál

Þetta er arfleið Gísla sem er Eyjamaður af lífi og sál. Hefur frá 10 ára aldri komið að félagastarfsemi. Fyrst stofnaði hann frímerkjaklúbb, gekk í Skátafélagið Faxasem, þá tók Íþróttafélagið Þór við og ÍBV – íþróttabandalag þar sem hann er enn féhirðir Þjóðhátíðar. Hefur hann hlotið allar helstu heiðursviðurkenningar íþróttahreyfingarinnar. Gullmerki Íþróttafélagsins Þórs, silfurmerki HSÍ, gullkross Íþróttabandalags Vestmannaeyja sem er æðsta heiðursmerki bandalagsins og gullmerki Íþrótta- og Ólympíusambands Íslands.

Í 20 ár var hann í Kiwanisklúbbnum Helgafelli, forseti um tíma og svæðisstjóri á Suðurlandi. Nú er það Félag eldri borgara sem nýtur krafta hans. Þar situr hann í stjórn sem gjaldkeri.

Gísli hefur svo sannarlega lagt Vestmannaeyjum margt gott til án þess að vera í framlínunni. Lætur vel að vera á bak við tjöldin. En alltaf traustur bakhjarl.

Hvað mig sjálfan varðar, vil ég þakka Gísla fyrir samstarf sem stóð í 30 ár. Oft vorum við með vindinn í fangið en áfram var haldið og okkar á milli myndaðist traust og vinátta sem stendur upp úr þegar litið er til baka,“ sagði Ómar og óskaði eiginkonu Gísla, Hönnu Þórðardóttur sem staðið hefur þétt við bakið á sínum manni og dætrunum, Erlu, Hrund og Þóru til hamingju með kallinn.

Nýjustu fréttir

Íþróttir

Tómas Bent lék allan leikinn í sigri Hearts

Stjórnmál

Óskar stefnir á þriðja sætið hjá Sjálfstæðisflokki

Fréttir

Bjargið fær rausnarlega gjöf

Fréttir

Loðnufrysting í fullum gangi

Íþróttir

Emil skoraði í sigri Íslands á Eistum

Fréttatilkynning

Fjórtán gefa kost á sér í prófkjöri Sjálfstæðisflokksins

Vinnslustöðin

Líflegur laugardagsmorgunn – fullfermi og loðnuvinnsla í fullum gangi

Aðsend grein

Sækist eftir 3. sæti

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki