Hljómsveitin Gosarnir frá Vestmannaeyjum hafa verið við stífar æfingar fyrir Þjóðhátíð síðustu daga, en þeir munu koma fram á sunndagskvöldinu á Þjóðhátíð ásamt góðum gestum. Undirbúningur fór meðal annars fram í Reykjavík í gær þar sem þeir æfðu með stórskotaliði Íslands í poppi og er óhætt að segja að dagskráin sé glæsileg. Pálmi Gunn, Jón Jónsson, Birgitta Haukdal, Klara Elías og Matti Matt.

Það er sannarlega ánægjulegt að sjá heimamenn leiða jafn stórt verkefni og deila sviðinu með fremsta tónlistarfólki landsins. Það verður því spennandi að fylgjast með Gosunum og gestum stíga á svið á sunnudagskvöldinu.