„Allar mælingar sýna að þetta eldgos sé það stærsta á svæðinu frá því að jarðhræringarnar hófust haustið 2023. Það eru mælingar sem hafa verið gerðar á hraunbreiðunni hingað til og líkanreikningar sem áætla magn kviku sem fór úr Svartsengi yfir í Sundhnúksgígaröðina þegar eldgos hófst,“ segir á vef Veðurstofunnar um gosið sem hófst á fimmtudagskvöldið.

Vel sást til gossins frá Vestmannaeyjum fyrsta kvöldið og  nú hefur mengun frá því borist til Eyja. Gos­meng­un­in mun ekki vera það mikil að það stafi hætta af henni nema fyr­ir mjög viðkvæma.  ein­stak­linga.

Á mbl.is segir: Portú­galsk­ir fjöl­miðlar greina frá því að há gildi brenni­steins­meng­un­ar muni mæl­ast á eyj­unni Madeira í Atlants­hafi í dag og á morg­un, en rekja má meng­un­ina til eld­goss­ins á Reykja­nesskaga. Bent er á í um­fjöll­un miðils­ins JM að meng­un­in geti hindrað önd­un auk þess sem hún get­ur ert augu, nef og háls.

Madeira­eyj­ar eru lít­ill eyja­klasi um 520 km und­an vest­ur­strönd Norður-Afr­íku og um 400 km norður af Kana­ríeyj­um.