Þau sem hyggjast leggja land undir fót þessa helgina og ætla etv að keyra í átt að borginni ættu að hafa það í huga að miklar vegaframkvæmdir eru í kringum Selfoss sem valda miklum töfum.

Hjá Vegagerðinni kemur fram að umferð um Biskupstungnabraut sé ljósastýrð vegna vegavinnu og komi til með að hafa áhrif á umferð um Suðurlandsveg.

Vísir.is greinir frá þessu í gærkvöldi, en þá hafði ökumaður greint frá því að hann sæti fastur í bíl sínum milli Hveragerðis og Selfoss í um hálftíma og umferðin hreyfðist mjög hægt.

Starfsmaður Vegagerðarinnar segir í samtali við Vísi að töfin orsakist af vegavinnu á Biskupstungnabraut. Vegagerðin greindi frá því að umferð um brautina yrði ljósastýrð.

Íbúar á Selfossi hafa greint frá því á íbúahóp á Facebook að bílaröðin nái alla leið til Hveragerðis.

Mynd: Vísir.is, Vilhelm.