Almennar fjöldatakmarkanir verða 2.000 manns, grímuskyldu verður aflétt, opnunartími veitingastaða lengdur um klukkustund og skráningarskyldu gesta aflétt. Regla um nándarmörk verður áfram 1 metri. Þetta er megininntak breytinga á reglugerð um samkomutakmarkanir sem tók gildi 20. október samkvæmt ákvörðun heilbrigðisráðherra.   Breytingar frá og með 20. október:  Almennar fjöldatakmarkanir 2.000 manns í stað 500.  Nándarregla óbreytt 1 metri, með sömu undantekningum og verið hafa, s.s. á sitjandi viðburðum og þjónustu sem krefst mikillar nándar.  Með notkun hraðprófa má víkja frá fjöldatakmörkunum og nándarreglu.  Grímuskyldu aflétt að frátöldum sérstökum reglum á heilbrigðisstofnunum.  Skráningarskyldu á viðburðum og veitingahúsum aflétt.  Opnunartími veitingastaða þar sem heimilaðar