Veðurstofan hefur gefið út gular viðvaranir vegna veðurs á Höfuðborgarsvæðinu, Suðurlandi, Faxaflóa og Suðausturlandi.

Á Suðurlandi tekur viðvörunin gildi á morgun, 1. febrúar kl. 22:00 og gildir til 2. feb. kl. 06:00.

Talsverð eða mikil rigning og ört hækkandi hitastig. Búast má við miklum leysingum, auknu afrennsli og vatnavöxtum í ám og lækjum. Mikil hálka getur myndast þar sem rignir á klakabunka eða þjappaðan snjó. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Fólk er hvatt til að sýna aðgát og fylgjast með veðurspám.

Hugleiðingar veðurfræðings

Suðvestan 8-15 m/s seint í dag en 15-23 á suðvestanverðu landinu. Él víða um land en léttskýjað austanlands. Frost 0 til 8 stig, mildast við suðvesturströndina. Dregur úr vindi og éljum í kvöld.

Fer að hlýna seint í nótt, fyrst vestanlands.

Suðvestan 10-18 m/s á morgun, hvassast norðantil. Stöku skúrir eða él, en lengst af þurrt fyrir austan. Hiti 0 til 5 stig.

Um kvöldið snýst í austlæga átt með rigningu og snjókomu og hlýnar enn frekar. Mikil hálka getur myndast þar sem rignir á klakabunka eða þjappaðan snjó. Fólk er hvatt til að sýna aðgát og fylgjast með veðurspám

Aðfaranótt föstudags verður suðlæg átt 13-20 og rigning, jafnvel talsverð eða mikil úrkoma sunnanlands. Búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns.
Hiti 3 til 8 stig.

Svo snýst í suðvestan hvassviðri eða storm á föstudag með éljagangi og kólnandi veðri, frost 0 til 6 stig um kvöldið.
Spá gerð: 31.01.2024 15:37. Gildir til: 01.02.2024 00:00.

Nánar um veðrið.