Olísdeild karla hefst í kvöld með leik Vals og ÍBV í N1 höllinni að Hlíðarenda.

Kynningarfundur Olís- og Grill 66 deildanna fór fram í gær á Grand hótel, en fyrir fundinn kusu þjálfarar, leikmenn og formenn deildanna um árangur liðanna í deildunum í vetur.

Valsstúlkum og FH-ingum spáð sigri

Valsstúlkum er spáð sigri í Olís deild kvenna á meðan Haukastúlkum er spáð 2. sæti, nýliðum Gróttu er spáð falli. FH er spáð sigri í Olís deild karla en samkvæmt spánni mun Haukar fylgja þeim fast á eftir. Nýliðum Fjölnis og ÍR er spáð falli.

Allir leikir Olís og Grill66 deildana í vetur verða í beinum útsendingum á Handboltapassanum og Olísdeild karla með einn leik á fimmtudögum í opinni dagskrá Sjónvarpi Símans og Olísdeild kvenna með einn leik í opinni dagskrá á laugardögum.

Fyrsti leikur Olísdeildar karla er eins og áður segir í kvöld þegar Valur og ÍBV mætast í N1 höllinni kl. 18:30 og í Olísdeild kvenna á fimmtudaginn þegar Haukar mæta nýliðum Selfoss að Ásvöllum kl. 18:00. Grill 66 deildirnar hefjast svo um miðjan september, segir í frétt á vef HSÍ.