Á miðvikudagskvöldið hélt Heima­ey VE í síðasta sinn úr heima­höfn. Ísfé­lagið hef­ur selt skipið til Nor­egs og verður af­hent kaup­end­um í Maloy í næstu viku. Skipið hefur reynst félaginu vel á allan hátt þau þrettán ár sem það hefur verið gert út.

Sjá einnig: Heimaey VE seld til Noregs

Óskar Pétur Friðriksson, ljósmyndari Eyjafrétta hefur verið viðstaddur flesta hápunkta hjá skipinu sem samið var um smíði á árið 2007 við skiðasmíðastöðina Asm­ar Talca­huano í Síle. Af­hend­ing skips­ins tafðist sökum öflugs jarðskjálfta sem skók Síle árið 2010. Skipið var síðan af­hent Ísfélaginu árið 2012.

Myndasyrpu Óskars Péturs má sjá hér að neðan. Þar má sjá þegar skrifað var undir samning um smíði skipsins. Þegar skipið kom til Vestmannaeyja í fyrsta sinn. Þá fór Óskar Pétur með skipinu á loðnuveiðar um árið og að endingu þegar skipið sigldi frá Eyjum í fyrrakvöld.