Umræða um samgöngumál fór fram á fundi bæjarráðs í vikunni og þar á meðal samgöngur á sjó. Hörður Orri Grettisson, framkvæmdastjóri Herjólfs ohf., kom á fund bæjarráðs og gerði grein fyrir stöðu félagsins það sem af er ári, m.a. rekstrartekjum og gjöldum, fjölda farþega og verkefnum framundan.

Alls voru 86.637 þúsund farþegar í ágúst. Það sem af er þessu ári hafa 353.002 farþegar ferðast með Herjólfi, sem er rúmlega 25.759 fleiri farþegar en á sama tíma í fyrra. Rekstur félagsins er á áætlun.