Heimir og Írar fara í umspil í Þjóðadeildinni
Mynd/Aðsend

Heimir Hallgrímsson og lærisveinar hans í írska landsliðinu tryggðu sér sæti í umspili Þjóðadeildar karla um laust sæti í A-deildinni með 3-0 sigri á Kosovó í lokaleik riðils 3 í B-deildinni í Dublin í kvöld.

Írar uppskáru vítaspyrnu á 28. mínútu eftir að Kreshnik Hajrizi, leikmaður Kosovó, varði boltann með hendinni á marklínunni. Hajrizi fékk beint rautt spjald í kjölfarið. Troy Parrott steig á vítapunktinn og skoraði af öryggi og kom Írum í 1-0.

Írar fengu aðra vítaspyrnu á 50. mínútu og aftur steig Parrott á punktinn. Hann skoraði örugglega úr vítaspyrnunni og tvöfaldaði þar með forystu Írlands.

Þriðja mark Íra kom á 75. mínútu þegar Jack Moylan skallaði boltann í netið og innsiglaði þar með 3-0 sigur Íra.

Með sigrinum tryggðu Írar sér annað sæti riðilsins, fóru upp fyrir Kosovó og eiga því möguleika á að vinna sér sæti í A-deild Þjóðadeildarinnar í umspilinu. Þar mæta þeir liði sem hafnaði í þriðja sæti síns riðils í A-deildinni.

Lokastaðan í riðli 3:

Austurríki – 11 stig

Írland – 8 stig

Kosovó – 6 stig

Ísrael – 4 stig

Nýjustu fréttir

Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Já, nei, já
Herjólfur siglir til Þorlákshafnar
Ellert Scheving segir upp hjá ÍBV
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.