- Eyjafréttir
- ·
- Fréttir
- ·
Herjólfur sprakk í loft upp í gamanþætti
Annar þáttur úr gamanmyndaflokknum Hreinn Skjöldur var sýndur á Stöð 2 í gærkvöldi. Skemmtikrafturinn Steindi fer með eitt aðalhlutverkið í þáttunum en hann leikur Hrein Skjöld, sem í kynningartexta þáttanna er sagður vera afar einfaldur persónuleiki. Pétur Jóhann Sigfússon og Saga Garðarsdóttir fara einnig með aðalhlutverk í þáttunum, sem eru sýndir á sunnudagskvöldum.
Í þætti gærkvöldsins ákváðu �?jóðhátíðargestir um borð í Herjólfi á leið frá Eyjum að ræna skipinu og snúa því til Íbísa þar sem halda skyldi gleðskapnum áfram. Atriði úr þættinum var birt á Vísi í dag og þar má sjá blóðsúthellingar um borð í Herjólfi og atriðið endar á því að skipið er sprengt í loft upp. �?hætt er að segja að þetta sé með óhefðbundnari kynningum sem Vestmannaeyjar hafa fengið í fjölmiðlum fram til þessa.
