Knattspyrnumaðurinn Hermann Þór Ragnarsson hefur skrifað undir samning við knattspyrnudeild ÍBV til loka árs 2027, þessi frábæri sóknarmaður hefur leikið vel með ÍBV í sumar og á stóran þátt í því að liðið er í toppsæti Lengjudeildarinnar fyrir síðustu umferðina sem fram fer á laugardag.

Hermann er 21 árs og eftir að hafa skorað 13 mörk fyrir Sindra í 3. deildinni árið 2022 færði hann sig yfir til ÍBV og hefur skorað átta mörk í efstu og næstefstu deild fyrir félagið.

Fréttirnar eru mikið gleðiefni og bindur knattspyrnuráð vonir við það að Hermann haldi áfram að leika vel í ÍBV treyjunni.

Frétt og mynd frá ÍBV.