Þegar núverandi ríkisstjórn settist að völdum fyrir góðum 4 árum tók hún við samfélagi í rúst. Öll fjármálasterfsemi í landinu var lömuð, viðskiptabankarnir gjaldþrota og seðlabanki landsins óstarfhæfur þar sem hann hafði verið tæmdur. Skuldavandi heimilanna var þvílíkur að þar blasti við hrun eitt með hræðilegum afleiðingum fyrir íslenskan almenning. Annað var eftir þessu. Þetta var sem sé raunveruleikinn eftir samstjórn Sjálfstæðisflokks og Framsóknarflokks til fjölmargra ára. Þessa sögu, þessar staðreyndir, þekkjum við öll.