Það heyrði til undantekninga ef flug til Vestmannaeyja féll niður síðasta vetur en með hækkandi sól tók þokan völdin sem hefur haft veruleg áhrif á flug til hins verra. Þetta hefur bitnað á flugi Ernis til Eyja. Bara í júní féllu niður 16 flugferðir og ekki útlit fyrir að útkoman verði betri í júlí. Ljósi punkturinn er að mikið er bókað á þjóðhátíð. Salan fór reyndar seinna af stað en í fyrra en núna er staðan svipuð og um þetta leyti á síðasta ári þegar mikið var að gera hjá Erni í að koma þjóðhátíðargestum til og frá Vestmannaeyjum.