ÍBV og FH gerðu 1-1 jafntefli í tólftu umferð Bestu deildar karla í Kaplakrika í dag. Eyjamenn komu inn í leikinn á miklu flugi en þeir höfðu unnið síðustu þrjá leiki sína í deildinni. 

FH ingar byrjuðu leikinn betur og náðu forystunni á 11. mínútu leiksins. Kjartan Kári Halldórsson tók þá hornspyrnu frá vinstri og Úlfur Ágúst Björnsson stangaði boltann í netið og kom FH í 1-0. Þannig stóðu leikar í hálfleik. 

Eyjamenn gerðu eina breytingu í hálfleik, Omar Sowe kom inn á fyrir Liam Daða Jeffs. Omar var ekki lengi að stimpla sig inn en hann var búinn að jafna leikinn eftir aðeins nokkrar sekúndur. Langur bolti kom fram völlinn og Jökull Andrésson, markvörður FH, kom út úr markinu og ætlaði að hreinsa burt en boltinn beint í Omar Sowe og í markið. 

Vicente Valor var nálægt því að koma Eyjamönnum yfir á upphafsmínútum síðari hálfleiks þegar hann átti skot í stöngina. Hvorugu liðinu tókst að ná inn sigurmarki og skiptu liðin með sér stigunum. Lokatölur 1-1.

Eyjamenn sitja í níunda sæti deildarinnar með 12 stig. FH ingar komu sér upp úr botnsætinu og eru í 11. sæti með sjö stig, jafnmörg stig og Þór, í neðsta sætinu, en með betri markatölu. 

Úrslit úr leikjum kvöldsins:

FH 1 – 1 ÍBV

Stjarnan 3 – 1 KA

Þór 2 – 4 Valur

Keflavík 3 – 2 KR

Mánudagur

19:15 ÍA – Fram