Karlalið ÍBV sækir KA heim á Greifavöllinn á Akureyri í dag í lokaleik 6. umferðar Bestu deildar karla. Flautað verður til leiks klukkan 16:30.

Eyjamenn hafa átt erfiða byrjun á mótinu og eru í neðsta sæti deildarinnar með eitt stig eftir fyrstu fimm leikina. Liðið gerði jafntefli í einum leik en hefur tapað fjórum og er enn í leit að fyrsta sigri sumarsins.

ÍBV hefur skorað sex mörk í deildinni en fengið á sig sextán.

KA er í 10. sæti deildarinnar með fjögur stig eftir fyrstu fimm leikina. Norðanmenn unnu sinn fyrsta sigur í síðustu umferð og ætla sér án efa að fylgja því eftir á heimavelli.

Um mikilvægan leik er að ræða fyrir bæði lið í botnbaráttu deildarinnar en með sigri getur ÍBV minnkað bilið í næstu lið verulega.