- Eyjafréttir
- ·
- Fréttir
- ·
ÍBV semur við franskan bakvörð
Knattspyrnudeild ÍBV hefur gert samning við hinn franska Yvan Erichot, en hann leikur sem bakvörður. Erichot er uppalinn hjá Mónakó og hefur leikið í Belgíu, Frakklandi, Portúgal, Englandi og nú síðast var hann á mála hjá Paphos á Kýpur. Mbl.is greinir frá.
Erichot lék 19 leiki fyrir Leyton Orient tímabilið 2016-17 en liðið féll þá úr ensku D-deildinni. Leiktíðina á undan lék hann 30 leiki fyrir Sint-Truiden í efstu deild Belgíu.
Frakkinn er fjórði leikmaðurinn sem Eyjamenn fá til sín fyrir næsta sumar. Alfreð Már Hjaltalín kemur frá Víkingi �?. og Ágúst Leó Björnsson og Dagur Austmann Hilmarsson frá Stjörnunni.
