Karlalið ÍBV tryggði sér í dag sæti í deild þeirra bestu að ári. ÍBV gerði jafntefli á útivelli gegn Leikni á meðan Keflavík valtaði yfir Fjölni 4-0, en Fjölnir var eina liðið sem hefði getað farið yfir ÍBV að stigum fyrir leiki dagsins.

ÍBV lenti undir á 36.mínútu en Vicente Valor jafnaði leikinn á 90.mínútu. Gríðalegur fögnuður braust út á meðal leikmanna og stuðningsmanna Eyjamanna á Leiknisvelli að leik loknum. Til hamingju Eyjamenn, sannarlega glæsilegt!