Bæði mörk gestanna komu í fyrri hálfleik. Hið fyrra kom eftir klaufaleg mistök í öftustu varnarlínu ÍBV og var það í eina skiptið sem einhver klaufagangur var sjáanlegur í varnarvinnu Eyjaliðsins. Síðara markið kom svo skömmu fyrir leikhlé og staðan því 0:2 í hálfleik.

Í síðari hálfleik voru Eyjastúlkur hreinlega sterkari framan af og hefðu með smá heppni getað skorað mark en vantaði þó herslumuninn. Jón �?lafur Daníelsson, þjálfari ÍBV var stoltur af sínu liði í leikslok og sagðist hafa átt von á stærra tapi en leikmenn liðsins hafi staðið sig afar vel í leiknum og lagt sig virkilega fram. Lið ÍBV var algjörlega skipað leikmönnum úr yngri flokkum félagsins, að mestu voru það leikmenn úr 2. og 3. flokki en þó var ein stúlka úr 4. flokki í byrjunarliði ÍBV.

�?ó liðið hafi tapað þessum leik má ljóst vera að leikurinn var aðeins eitt skrefið í átt til þess að tefla fram meistaraflokksliði í knattspyrnu að nýju og miðað við úrslit leiksins gæti er ekki langt að líða þar til að því gæti orðið.