Karlalið ÍBV í fótbolta vann 2-1 sigur á danska B-deildarliðinu Álaborg í æfingaleik á Spáni, þar sem liðið er statt í æfingaferð um þessar mundir.

Sesar Örn Haraldsson skoraði fyrra mark Eyjamanna á 33. mínútu og Arnar Breki Gunnarsson það síðara tveimur mínútum síðar. Viggó Valgeirsson átti stoðsendingarnar í báðum mörkum ÍBV. Staðan var 2-0 í hálfleik en Álaborg minnkaði muninn í síðari hálfleik. 

Sænskur framherji, að nafni Lucas,  var í byrjunarliði ÍBV í leiknum. Hann er á mála hjá sænsku meisturunum í Mjällby og er á reynslu hjá Eyjamönnum, ásamt tveimur leikmönnum, frá Spáni og Portúgal.

Áður en Eyjamenn héldu út léku þeir gegn FH, í annarri umferð Lengjubikarsins og endaði sá leikur 0-0.