Karlalið ÍBV í fótbolta lagði Val að velli fyrr í dag í æfingaleik í Egilshöll. Leiknum lauk með 2-1 sigri ÍBV. Valur leiddi með einu marki í hálfleik með marki frá Degi Erni Garðarssyni. Eyjamenn skoruðu tvö mörk í síðari hálfleik. Mörk ÍBV skoruðu Bjarki Björn Gunnarsson og Mathias Edeland. 

Stutt er í að Besta deild karla hefjist. Deildin sjálf hefst föstudaginn 10. apríl með leik Íslandsmeistara Víkings Reykjavík og Breiðabliks en Eyjamenn taka á móti FH á Hásteinsvelli sunnudaginn 12. apríl í fyrsta leik sínum. 

Tímabilið hjá ÍBV hefst hins vegar 4. apríl í Mjólkurbikarnum og fengu Eyjamenn heimaleik gegn annað hvort Þrótti Reykjavík eða Víkingi Ólafsvík. Leikur Þróttar og Víkings Ólafsvík fer fram á laugardaginn kl. 14:00. 

Fyrstu fimm leikir ÍBV í Bestu deildinni: 

Sunnudaginn 12. Apríl     –   ÍBV – FH

Föstudaginn 17. Apríl    –     Valur – ÍBV

Miðvikudaginn 22. Apríl   –  ÍBV – KR

Mánudaginn 27. Apríl    –     Fram – ÍBV

Sunnudaginn 3. Maí      –     ÍBV – Breiðablik