Landsliðið og Pressuliðið léku sinn árlega leik á TM mótinu sem fór fram á Hásteinsvelli í sól og blíðu. Leiknum lauk með 4-7 sigri Pressuliðsins. Stelpurnar sýndu frábær tilþrif í leiknum og voru algjörlega til fyrirmyndar. Fulltrúar ÍBV í Landsliðinu svöruðu nokkrum spurningum Eyjafrétta um mótið og fleira.

Nafn? Ingunn Ása Fannarsdóttir.

Aldur? Verð tólf ára í ágúst.

Fjölskylduhagir? Foreldrar mínir heita Birgit Ósk og Fannar veigar og svo á ég tvíburabróðir sem heitir Veigar Funi. 

Hvernig var að spila landsleik TM mótsins? Það var mjög gaman að vera valin í landsliðið, að fá tækifæri til að spila fyrir Guðbjörgu Sillu og Kolfinnu Rán og kynnast öllum stelpunum sem voru með mér í liði. 

Hvernig gekk á mótinu? Fyrsta daginn gekk mjög vel, annar dagurinn hefði getað farið betur og síðasti dagurinn gekk líka vel. Ég er mjög sátt við okkar frammistöðu.  

Hvað stóð upp úr? Það sem mér finnst standa upp úr er gott veður, að vera með vinkonum og að vera valin í landsliðið.

Hvert er stefnan tekin í fótboltanum? Bara að halda áfram að leggja mig fram og vonandi komast í Íslenska landsliðið. 

Uppáhalds knattspyrnumaður/kona? Thelma Karen og Sveindís Jane.

Eitthvað að lokum? Ég vil bara þakka stelpunum sem voru með mér í liði fyrir frábært mót og aldrei gefast upp.