Ísak Rafnsson, leikmaður ÍBV í handbolta, hefur ákveðið að leggja skóna á hilluna. Ísak greindi frá á samfélagsmiðlum sínum í gærkvöld.

Ísak hefur síðustu fjögur ár leikið með ÍBV og varð hann Íslandsmeistari með liðinu árið 2023 eftir sigur gegn Haukum í oddaleik í úrslitaeinvíginu. Hann er uppalinn í FH og lék upp alla yngri flokka félagsins sem og meistaraflokki. Hann varð Íslandsmeistari með FH árið 2011 og bikarmeistari 2018. Hann leḱ í eitt ár í Austurríki með félaginu Schwaz og lék á sínum tíma fyrir öll yngri landslið Íslands.

,,Skórnir á hilluna (staðfest). Eftir langan feril, fullt af sigrum, nokkur töp og endalaust af minningum segi ég glaður að nú sé komið gott. Er mjög þakklátur fyrir tímann sem ég átti á parketinu og stoltur af því sem ég hef afrekað,” segir Ísak í tilkynningu sinni. 

Ísak spilaði ekki mikið með ÍBV í vetur vegna meiðsla sem hann varð fyrir.