Her­mann Hreiðars­son, þjálf­ari ÍBV og liðið allt hafði ástæðu til að fagna eftir 2:2 jafn­tefli við HK í Kópavogi í Bestu deild karla í gærkvöldi. Eyjamenn lentu 2:0 undir en gáfust ekki upp og náðu að jafna undir lok uppbótartíma.  Gott innlegg í baráttuna framundan en á brekkan er brött.

Eyjamenn í fallsæti með 18 stig en stutt í næstu þrjú lið. Vandamálið hefur verið að skora mörk en vonandi losnaði um þann hnút í gær. Næsta prófraun er KR heima á laugardaginn. Sigur í þeim leik væri gott veganesti inn úrslitakeppnina sem þá er framundan.

„Það eru 18 stig í pott­in­um og við vit­um það að þessi leik­ur í dag nær­ir okk­ur eins og sig­ur. Við för­um bratt­ir inn í næsta leik, við erum að fá menn úr meiðslum og það eru nýir menn að kom­ast meira inn í þetta. Breidd­in er því meiri hjá okk­ur og við för­um með rosa­lega orku inn í lokakafl­ann og ætl­um okk­ur að halda okk­ur uppi,” sagði Hermann við mbl. eftir leikinn í gær. Telur hann ÍBV eiga góða möguleika gegn KR.

Myndina tók Sigfús Gunnar í leik ÍBV og HK á Hásteinsvelli fyrr í sumar.