Í gærkvöldi var handagangur í öskjunni í Kiwanis, svo til í orðsins fyllstu merkingu því þá komu félagar í Kiwanisklúbbnum Helgafelli saman með börnum og barnabörnum til að pakka niður hinu geysivinsæla jólasælgæti. Litlu vinnumennirnir unnu ótrúlega hratt og örugglega en pakkað var í á annað þúsund öskjur á rétt rúmlega hálftíma. Kiwanismenn munu svo ganga í hús um helgina og selja öskjurnar en allur ágóði sölunnar rennur til góðgerðamála.