- Eyjafréttir
- ·
- Fréttir
- ·
Kajak stolið en fannst óskemmdur
Síðasta vika var með eindæmum róleg hjá lögreglu og fá útköll. Skemmtanahald helgarinnar var með rólegra móti og lítil afskipti sem lögregla þurfti að hafa af fólki sem var að skemmta sér.
Um helgina var lögreglu tilkynnt um að kajak hafi verið stolið frá smábátabryggjunni en hann fannst reyndar skömmu síðar þar sem hann var bundinn við bryggju á öðrum stað innan hafnarinnar. Kajakinn reyndist vera óskemmdur og liggja ekki fyrir kærur vegna atviksins. Reynar fannst ár um borð í kajakanum sem eigandinn kannaðist ekki við og er árin í geymslu á lögreglustöðinni og getur eigandi hennar vitjað hennar þar.
Eitt brot gagnvart umferðarlögum er skráð í kerfi lögreglunnar en um var að ræða vanrækslu á að greiða vátryggingu af ökutæki. Skráningarnúmer bifreiðarinnar voru því klippt af bifreiðinni.
Lögreglan vill minna ökumann á að kanna með ljósabúnað ökutækja sinna núna þegar hausta fer, en lögreglan hefur orði vör við það við eftirlit að ljósabúnaði ökutækja sé ábótavant.
Nýjustu fréttir
Mest lesið
Landfylling við Eiði: Samið við Þjótanda um fyrstu áfanga
Vinnslustöðin snýr vörn í sókn á krefjandi ári
Bilun í Herjólfi veldur lengri siglingatíma
Bilun í Herjólfi – sérfræðingur kallaður til frá Noregi
Spurt og svarað: Ármann Halldór frá Sjálfstæðisflokknum
Flugvél frá Icelandair flaug óvenju lágt yfir Eyjum