- Eyjafréttir
- ·
- Fréttir
- ·
Karl Gauti: Verja þarf hagsmuni Eyjamanna við kjötkatlana í Reykjavík
�?g hef ákveðið að bjóða fram krafta mína á alþingi okkar Íslendinga og brenn í skinninu til að fá að takast á við öll þau fjölmörgu verkefni sem þar þarf að vinna að. Margt mætti auðvitað nefna en það sem snýr að Eyjamönnum er klárlega helst samgöngur og heilbrigðisþjónusta.
Samgöngumálin eru efst á baugi hér og svo var einnig öll þau 16 ár sem ég bjó í Eyjum. Ágætar hugmyndir um jarðgangnagerð upp á land voru slegnar út af borðinu þegar ákveðið var að gera Landeyjahöfn. Allt frá upphafi var ljóst að höfnin var gerð af vanefnum en væntingarnar voru svo miklar að ég man að ég kvaddi �?orlákshöfn sumarið 2010 og hélt ég kæmi þar varla aftur, en sú varð nú heldur betur ekki raunin. Fljótt kom í ljós að höfnin uppfyllti engar þær væntingar sem gerðar voru til hennar og svo hefur verið allar götur síðan. Embættismenn hafa verið á hraðaflótta með væntingarnar og fundið sífellt upp nýjar ástæður til fyrirsláttar. Tala þarf tæpitungulaust um vandamálið og klára höfnina sem allra fyrst, lengja hafnargarðana svo höfnin þjóni byggðarlaginu og gestum þess eins og til stóð í upphafi. �?etta má ekki draga það lengur.
Heilbrigðisþjónustunni í Eyjum hefur hrakað á undanförnum árum. �?g tel að nauðsynlegt sé að skurðstofan sé opin í Vestmannaeyjum og þar geti mæður fætt börn sín. Fyrir þessu mun ég berjast með kjafti og klóm. Hvers vegna ætti ekki að vera hægt að halda þessu úti núna ef það var unnt fyrir áratug síðan?
Núna mitt í allri hagsældinni og hagvextinum? Ýmsar lausnir væri unnt að hugsa sér varðandi skurðstofuþjónustu í Vestmannaeyjum, td. væri hægt að bjóða upp á sérhæfðari aðgerðir fyrir allt landið í Eyjum og afla skurðstofunni þannig verkefna.
�?að er ekki aðeins samgöngumál og heilbrigðismál sem brenna á Eyjamönnum, heldur hafa ýmsar stofnanir ríkisins í Vestmannaeyjum mátt þola mikinn niðurskurð á umliðnum árum og eru jafnvel skornar niður meira en sambærilegar stofnanir í kringum höfuðborgarsvæðið. �?etta verður að leiðrétta og það er kominn tími til að fjárveitingar til stofnana í Eyjum séu í takt við þörfina. Hér á ég ekki bara við heilbrigðisþjónustuna, heldur einnig lögreglu, sýslumannsembættið og Framhaldsskólann. �?g mun vinna að því af krafti að berjast fyrir hagsmunum Eyjamanna.
Ágætu Eyjamenn! �?g held að það sé mikil þörf á að frambjóðendur Flokks fólksins komist í ræðustól alþingis, þennan mikilvægasta ræðustól landsins og láta í sér heyra varðandi þau þjóðþrifamál sem flokkurinn berst fyrir.
Í kosningabaráttunni hafa hinir flokkarnir stokkið á okkar vagn og boðað stefnu sem við höfum barist fyrir. Bara eitt dæmi er frítekjumarkið. Nú vilja allir Lilju kveðið hafa. Fyrir ári síðan ætluðu allir þessir flokkar sem þá voru á þingi og þá eru Píratar ekki undanskildir að setja frítekjumarkið í 0 kr., en fyrir þrýsting samtaka aldraðra var það fært náðarsamlegast í 25.000 kr. Flokkur fólksins tók þá strax upp baráttu fyrir því að leyfa öldruðum og lífeyrisþegum að vinna með okkur án þess að bætur þeirra skertust króna á móti krónu og borga skatta af sínum launum. Núna vilja þessir sömu flokkar allir sem einn hækka frítekjumarkið og jafnvel afnema. Og jafnvel þó unnt sé að gleðjast yfir svona stefnubreytingu 180°, þá spyr maður sig : Hver er trúverðugleikinn ?
