Karlaliðið fær liðstyrk á lokasprettinum

Eyjafréttir
·
Íþróttir
·
16. ágúst 2023

Á fótbolti.net hefur verið tilkynnt að ÍBV hefur fengið liðsstyrk fyrir endasprettinn í Bestu deildinni. Sá heitir Michael Jordan Nkololo og getur hann bæði spilað sem sóknarsinnaður miðjumaður og framherji.

Sögur höfðu heryst af því að ÍBV ætlaði að styrkja sig í framherjastöðunni fyrir endasprettinn og er hann nú kominn.

Jordan, sem er þrítugur, er fæddur í Frakklandi en spilar með landsliði Lýðstjórnarlýðveldisins Kongó (DR Congo). Hann á samkvæmt Wikipedia að baki tólf landsleiki og hefur í þeim skorað fjögur mörk.

Hann var síðast leikmaður Kyzylzhar í Kasakstan og hefur hann einnig spilað í Litháen, Úkraínu, Lettlandi, Króatíu, Rúmeníu og Frakklandi.

Hann getur spilað með ÍBV þegar liðið mætir Fylki á Hásteinsvelli á sunnudag. ÍBV er í 10. sæti deildarinnar með sautján stig, tveimur stigum meira en Fram sem er í næst neðsta sæti.

Mynd: CAEN

Nýjustu fréttir

Íþróttir

Þrjú íþróttafélög í Eyjum fá rúma milljón úr Hvatasjóði

Samgöngur

Spyr hvort Herjólfur III verði varaskip í Eyjum í vetur

Fréttir

Listi yfir umsækjendur um starf slökkviliðsstjóra enn ókominn

Myndband

Fagmannakvöld í Miðstöðinni – frá þorrablóti til vörukynninga

Úr blaði Eyjafrétta

Kveikjum neistann – Jákvæðar niðurstöður en verkefnið enn í þróun

Ritstjórn

Vikan í Eyjum: Herjólfur, framkvæmdir við höfnina og fjárhagsáætlun bæjarins

Menning

Lúðrasveitin í landsliðsklassa – Kraftur, gleði og glæsilegur samhljómur

Bæjarmálin

Gera ráð fyrir 610 milljóna afgangi á næsta ári

Mest lesið