- Eyjafréttir
- ·
- Fréttir
- ·
Kjörfundur hófst klukkan níu í morgun
Kjörfundur hófst klukkan níu í morgun. Formaður yfirkjörstjórnar Jóhann Pétursson kallaði út samkvæmt hefð fyrir utan kjörstað að kjörfundur væri hafinn.
Kjörstaður er í Barnaskólanum, og eru inngangar um norður- og suðurdyr. Kjörfundi lýkur kl. 22:00 í kvöld. Aðgengi fyrir fatlaða er um norðurdyr.
Bænum er skipt í tvær kjördeildir:
Í 1. kjördeild kjósa þeir, sem skráðir voru með lögheimili 5. maí 2018 við Ásaveg til og með Hásteinsvegi auk þeirra, sem eru óstaðsettir í hús og þeirra sem búa erlendis og njóta kosningaréttar á Íslandi.
Í 2. kjördeild kjósa þeir, sem skráðir voru með lögheimili 5. maí 2018 við Hátún til og með Vesturvegi, auk þeirra, sem búa að Hraunbúðum og húsum er bera bæjarnöfn.
Kjósandi sem ekki hefur meðferðis persónuskírteini getur átt von á því að fá ekki að greiða atkvæði. Aðsetur yfirkjörstjórnar á kjördag verður á kjörstað í Barnaskólanum.
Talning atkvæða verður í sal Barnaskólans og hefst talning að loknum kjörfundi kl. 22:00.
