Hin unga og efnilega Klara Káradóttir hefur skrifað undir nýjan tveggja ára samning við handknattleiksdeild ÍBV. ÍBV greindi frá á samfélagsmiðlum sínum í dag.

Í tilkynningu ÍBV segir, ,,Klara er efnileg handknattleikskona sem leikur í stöðu línumanns. Hún lék síðasta vetur í liði 3. flokks ÍBV sem varð bikarmeistari ásamt því að vera hluti af meistaraflokki félagsins. Hún hefur verið fastamaður í yngri landsliðum Íslands undanfarin ár og lék nú síðast tvo vináttulandsleiki með u-18 ára landsliðinu.

Þar segir einnig: ,,Við erum afar ánægð með að hafa Klöru áfram í herbúðum ÍBV og hlökkum til áframhaldandi samstarfs”.