Krakkarnir á Víkinni útskrifuðust við hátíðlega athöfn í gær. Í dag fór hluti útskriftarhópsins í útskriftarferð þar sem krakkarnir nutu samveru og gæddu sér á ís frá Klettinum.

Ferðin tókst vel og var mikið fjör hjá krökkunum. Útskriftin markar lok mikilvægs kafla í lífi barnanna en í haust taka við ný ævintýri þegar grunnskólagangan hefst. Nú bíður þeirra sumarfrí fljótlega áður en þau setjast á skólabekk í fyrsta sinn í haust.

Eyjafréttir óska útskriftarhópnum innilega til hamingju með áfangann.