Brynjar Ólafsson, framkvæmdarstjóri umhverfis- og framkvæmdasviðs Vestmannaeyjabæjar fór yfir – á fundi framkvæmda- og hafnarráðs – stöðu á gatnalýsingu, útskiptiáætlun lampa og viðhaldi.

Fram kemur í afgreiðslu ráðsins að ráðið ítreki mikilvægi þess að þjónustuaðili uppfylli skilyrði samnings um þjónustu og viðhald gatnalýsingar enda er gatnalýsing mikilvægur þáttur í umferðaröryggi, sér í lagi gangandi og hjólandi vegfarenda. Ólíðandi er að fjöldi ljósastaura séu óvirkir yfir myrkustu mánuði ársins.

Ráðið fól framkvæmdastjóra umhverfis- og framkvæmdasviðs að ítreka alvöru málsins við þjónustuaðila og krefjast úrbóta hið snarasta.