Knattspyrnukonan Kristín Erna Sigurlásdóttir er komin heim. Kristín hefur skrifað undir samning við uppeldisfélag sitt eftir stutt stopp í Reykjavík og mun því spila með ÍBV í Pepsi Max deildinni á næsta tímabili. Kristín á að baki 136 leiki í efstu deild og hefur skorað í þeim 45 mörk.
“Við bjóðum Kristínu hjartanlega velkomna heim og hlökkum til að sjá hana spila aftur undir merkjum ÍBV,” segir í tilkynningu á heimasíðu ÍBV
