Kveikt verður á jólatréinu á Stakkó næstkomandi föstudag við hátíðlega athöfn. Dagskráin byrjar stundvíslega kl 17 og mun Lúðrasveit Vestmannaeyja hefja dagskrána með nokkrum lögum.

Páll Magnússon, forseti bæjarstjórnar, mun flytja ávarp og mun barnakórinn Litlu lærisveinarnir, undir stjórn Kitty Kovács, syngja nokkur lög. Viðar prestur verður einnig með stutt ávarp.

Að því loknu mun Páll Magnússon kalla Davíð Erni til sín til að kveikja á jólatrénu. Í framhaldinu stíga jólasveinarnir á svið og syngja með börnunum. Nammigjöf jólasveinanna fer fram í öðrum skúrnum, þar sem Putti og félagar úr Skilaboðaskjóðunni afhenda börnunum sælgæti. Þegar búið er að kveikja á trénu gefst krökkunum kostur á að fá myndir með jólasveinunum.

Meistaraflokkur kvenna í fótbolta verður með til sölu kaffi, heitt súkkulaði og smákökur á svæðinu.

Opnuð verður sýning á jólamyndum sem nemendur í 1. bekk Grunnskóla Vestmannaeyja hafa teiknað á gjafakort Vestmannaeyjabæjar. Sýningin fer fram á Bókasafni Vestmannaeyja og verður opin til klukkan 18:00.

Í tilefni af svötum föstudegi verður lengri opnun í verslunum bæjarins eða til kl 22:00.