Skammtur 2 af hrognum er komin í hús hjá Laxey. Fyrirtækið tók núna á móti 600.000 hrognum sem er helmingur af afkastagetu klakstöðvarinnar. Hrognin eru frá Benchmark Genetics, að því er segir í færslu á facebókar-síðu Laxeyjar.

„Móttaka og vinnsla hrognanna gekk eins og við var að búast enda mikill undirbúningur og vinna sem á sér stað áður. Sem stendur er framleiðslan núna í tveimur stigum af fjórum, klakstöðinni og RAS 1. Stefnt er að því að um áramót verði framleiðsla á öllum stigum seiðastöðvarinnar.“ segir í færslunni.