Leikskólar innleiddu þróunarverkefnið Snemmtæk íhlutun-mál og læsi

Eyjafréttir
·
Fréttir
·
22. júní 2023

Leikskólar í Eyjum innleiddu í vetur þróunarverkefnið Snemmtæk íhlutun-mál og læsi. Haldin var uppskeruhátíð til að fagna afrakstri vetrarins.

Vestmannaeyjabær og Menntamálastofnun skrifuðu þann 22. ágúst sl. undir samstarfssamning um innleiðingu þróunarverkefnisins Snemmtæk íhlutun-mál og læsi. Innleiðing verkefnisins í leikskóla sveitarfélagsins stóð yfir allan sl. vetur og unnu kennarar, leiðbeinendur og stjórnendur leikskólanna ötullega að henni undir leiðsögn Halldóru G. Helgadóttur, verkefnastýru og Ásthildi Bj. Snorradóttur sem þróaði verkefnið. Verkefnið er með sérstaka áherslu á málþroska barna og í innleiðingunni fólst, m.a. að skoða hvað skólarnir væru að gera vel og hvað væri hægt að gera betur til að styðja sem best við börn þegar kemur að markvissri snemmtækri íhlutun í málþroska. Hver leikskóli vann handbók sem myndar ramma og leiðbeiningar um allt það starf sem lýtur að snemmtækri íhlutun í málþroska.

Þriðjudaginn 20. júní var innleiðingu verkefnisins formlega lokið og uppskeruhátíð haldin í Visku. Íris Róbertsdóttir, bæjarstjóri, opnaði hátíðina og í framhaldi héldu þær Ásthildur Bj. Snorradóttir og Halldóra G. Helgadóttir stutta tölu um mikilvægi snemmtækrar íhlutunar í málþroska og þátttöku alls starfsfólks leikskóla í því starfi. Þá kynntu fulltrúar leikskólanna efni úr handbókunum sem unnar voru og gafst gestum tækifæri á að skoða þær í kjölfarið. Því næst tók Katrín Ósk Þráinsdóttir, verkefnastjóri hjá Menntamálastofnun, til máls þar sem hún hrósaði leikskólunum fyrir frábæra og faglega vinnu. Þá þakkaði hún Ásthildi og Halldóru fyrir þeirra framlag og skólaskrifstofu fyrir utanumhald fyrir hönd Vestmannaeyjabæjar. Sverrir Óskarsson, sviðsstjóri matssviðs Menntamálstofnunar, færði leikskólunum bókagjafir fyrir hönd Menntamálastofnunar og þá flutti Drífa Gunnarsdóttir, fræðslufulltrúi, nokkur lokaorð.

Vestmannaeyjabær þakkar starfsfólki leikskólanna fyrir frábæra vinnu við þróunarverkefnið. Afrakstur vetrarins og áframhaldandi vinna í kjölfar innleiðingar kemur til með að styrkja öll börn þar sem mælingar, þjálfun og eftirfylgni verða markvissari. Þá styrkist starfsfólk í starfi þar sem markmið, verkferlar og efniðviður hvers leikskóla er skýrari. Árangurinn sem af verkefninu hlýst verður ekki bundinn við leikskólana, hann mun skila sér upp allt skólakerfið og lengra þegar fram líða stundir.

Nýjustu fréttir

Vestmannaeyjabær

Styrkir veittir til fjölbreyttra verkefna

Aðsend grein

Neyðarkall úr Eyjum

Aðsent

Sigmundur Davíð með opinn fund

Fréttatilkynning

Hæsti styrkurinn til Eyja

Aðsent

Dýptarmæling í dag

Aðsent

Eyjalistinn í sókn: Heimasíða og stefnuskrá líta dagsins ljós!

Vinnslustöðin

Vinnandi hendur frá hafi til hátíðarborðs

Áhugavert

Kristmundur Axel kemur fram á Þjóðhátíð

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki