Upp er runninn kjördagur en þessum degi fylgir ávallt mikil tilhlökkun. Stjórn Eyjalistans langar að koma fram þökkum til allra þeirra fjölmörgu sjálfboðaliða sem stutt hafa við okkur í verki í baráttunni og í félagastarfinu í vetur. Án ykkar væri listinn ekki neitt! 

Við viljum nýta tækifærið og minna ykkur á, kæru kjósendur að nýta kosningaréttinn. Við viljum minna á framboðslista okkar en við erum stolt af þeirra verki í kosningabaráttunni. Þau hafa sýnt fram á mikilvægi framboðs eins og Eyjalistans. Þau hafa sýnt seiglu og vilja til að gera vel fyrir samfélagið okkar. Þau hafa sýnt vinsemd og kurteisi í öllum sínum skrifum og tali við íbúa. Markmið Eyjalistans er að vinna fyrir Vestmannaeyinga og gera góðan bæ enn betri! 

Kæru íbúar, nýtum kosningarétt okkar og veljum þann framboðslista sem passar best við okkar eigin persónulegu gildi! Lengi lifi lýðræði á Íslandi! 

Stjórn Eyjalistans 

Arna Huld Sigurðardóttir, formaður 

Anton Örn Björnsson, varaformaður 

Hildur Rún Róbertsdóttir, ritari 

Ingveldur Theodórsdóttir, gjaldkeri 

Sigurður Þór Símonarson, meðstjórnandi