Lét sig hverfa eftir árekstur
Liðin vika var með rólegra móti ef undan er skilin sl. sunnudagur þar sem lögreglan hafði í ýmsu að snúast sökum þess veðurhams sem þá gekk yfir Eyjarnar.
Alls fékk lögreglan 15 beiðnir frá fólki sem var í vandræðum sem rekja má til ófærðar og veðurs m.a. var tilkynnt um að 40 feta gámur hafi tekist á loft og lokaði veginu út á Eiði, einnig að fiskikör væru að fjúka um þannig að hætta skapaðist af.
Skemmtanahald helgarinnar fór ágætlega fram en eitthvað var þó um að lögreglan þurfti að aðstoða fólk bæði vegna ófærðar og eins vegna ölvunarástands þess.
Alls liggja fyrir fimm kærur vegna brota á umferðarlögum eftir liðna viku, í fjórum tilvikum var um ólöglega lagningu ökutækis að ræða og í einu tilviki var um að ræða akstur sviptur ökuréttindum.
Tvö umferðaróhöpp voru tilkynnt til lögreglu í liðinni viku. Í öðru tilvikinu var um að ræða minniháttar óhapp og engin slys á fólki. Í hinu tilvikinu var um að ræða árekstur þar sem sá sem tjóninu olli lét sig hverfa af vettvangi án þess að tilkynna um það. Átti óhappið sér stað þar sem bifreiðin var kyrrstæð fyrir utan Bifreiðaverkstæði Harðar og Matta. �?eir sem einhverjar upplýsingar hafa um hver þarna var að verki eru vinsamlegast beðnir um að snúa sér til lögreglu.

Nýjustu fréttir

Úr blaði Eyjafrétta
Ingunn Ása – Mjög gaman að vera valin í Landsliðið
Áhugavert
Fortíð Vestmannaeyja lifnaði við á sýningu Hlyns
Fréttir
Lundaveiði heimiluð þrátt fyrir neikvæða umsögn Náttúrustofu
Íþróttir
Mikilvægur sigur ÍBV gegn Víkingi R.
Áhugavert
Terra segir upp samningi við Vestmannaeyjabæ
Fréttatilkynning
Dalurinn – nýtt app fyrir þjóðhátíðargesti
Úr blaði Eyjafrétta
Elena Rut – Langar að spila fyrir íslenska landsliðið í framtíðinni
Sjávarútvegur
Síld farin að hrygna suður af landinu
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.