Í hádeginu í dag, föstudag, opnaði Kári Bjarnason skemmtilega sýningu á verkum nemenda í 4. bekk Grunnskóla Vestmannaeyja. Um er að ræða myndir sem þau máluðu af smáeyjum með akrýl eða vatnsmálningu.
Myndirnar unnu þau síðan í framhaldinu með appi sem heitir picsart, tóku þar myndir af málverkunum sínum og unnu áfram með verkin.
Afraksturinn er sýning sem bæði nemendur og skólinn geta verið hreykin yfir og ánægjulegt að sjá samstarf af þessu tagi milli bókasafnsins og skólans.
Sýningin stendur áfram í Einarsstofu og um að gera að líta við og njóta listaverkanna allra sem þar hanga. Fleiri myndir frá opnun sýningarinnar má sjá hér að neðan.
