Næstkomandi sunnudag (10. maí), verður mæðradagurinn haldinn hátíðlegur í Landakirkju þar sem kvenfélögum í Vestmannaeyjum er sérstaklega boðið velkomið. Messa hefst kl 11:00 og við messuna mun kirkjukór Dómkirkjunnar í Reykjavík syngja undir stjórn Eyjamannsins Matthíasar Harðarsonar. Þá mun Kór Landakirkju einnig flytja tónlist undir stjórn Kitty Kovács.

Sr. Sveinn Valgeirsson, dómkirkjuprestur, prédikar við messuna en heimaprestarnir sr. Viðar og sr. Guðmundur Örn munu snúast fyrir altari. Ritningarlestur verður í höndum systra úr Rebekkustúkunni Vilborgu.