Málþing, súpa og spjall
Lundar skipa stóran sess í náttúru og menningu Vestmannaeyja. Staða og nýting sjófugla verður til umræðu á málþingi mánudaginn 12. október.

Náttúrustofa Suðurlands hefur frá árinu 1996 gegnt mikilvægu hlutverki í rannsóknum á náttúru Suðurlands, ekki síst í Vestmannaeyjum. Stofan er rekin af Vestmannaeyjabæ með stuðningi ríkisins og hefur aðsetur í Þekkingarsetri Vestmannaeyja.

Meginhlutverk Náttúrustofunnar er að stunda vísindalegar rannsóknir, safna upplýsingum um náttúrufar og miðla þekkingu sem nýtist við náttúruvernd, nýtingu náttúruauðlinda og ákvarðanatöku. Rannsóknir á sjófuglum hafa verið veigamikill þáttur í starfseminni, sérstaklega rannsóknir á lunda, stofnstærð hans og þeim þáttum sem hafa áhrif á viðkomu og afkomu stofnsins. Sá þáttur starfseminnar er líklega hvað mest áberandi fyrir okkur hér í Eyjum.

Fyrir samfélag eins og Vestmannaeyjar, þar sem sjófuglar eru órjúfanlegur hluti af náttúru, sögu og menningu, er mikilvægt að ákvarðanir um vernd og nýtingu byggist á traustum vísindalegum upplýsingum.

Málþing um stöðu og nýtingu sjófugla

Mánudaginn 12. október næstkomandi verður haldið málþing um stöðu og nýtingu sjófugla á Íslandi. Náttúrustofa Suðurlands kemur að undirbúningi málþingsins ásamt Náttúruverndarstofnun, Hafrannsóknastofnun, Náttúrufræðistofnun og fleiri aðilum.

Málþingið fer fram í húsnæði Hafrannsóknastofnunar kl. 9:00–16:30. Stjórn Náttúrustofu Suðurlands ætlar að sýna streymi frá málþinginu í Þekkingarsetri Vestmannaeyja.

Stjórn Náttúrustofu Suðurlands hvetur alla sem láta sig málefni sjófugla varða til að fylgjast með málþinginu og taka þátt í þeirri mikilvægu umræðu sem þar fer fram. Náttúrustofan býður upp á súpu í hádeginu og því er tilvalið að setjast niður og ræða saman.

Upplýsingar um málþingið og dagskrá þess má nálgast hér.

 

Stjórn Náttúrustofu Suðurlands

Nýjustu fréttir

Fiskur fjórum sinnum í viku á Breka VE
Styrktarsjóður Landakirkju veitir aðstoð fyrir jólin
Fjölgun brota endurspegli aukið ofbeldi
Eyjakonur mæta Stjörnunni í bikarslag í kvöld
Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.