Mesta lækkun í rúman áratug

Verð á sjávarafurðum lækkaði um rúm 1,4% í erlendri mynt í október frá fyrri mánuði samkvæmt verðvísitölu sjávarafurða sem Hagstofa Íslands birti í morgun. Greint er frá þessu á vef SFS. Miðað við október í fyrra hefur verð á sjávarafurðum lækkað um 7,5% í erlendri mynt. Á þann kvarða hefur lækkunin ekki verið meiri í rúman áratug, eða síðan í árslok 2009. Þetta er verulegur viðsnúningur frá þeirri þróun sem átti sér stað fyrir COVID-19, eins og blasir við á myndinni hér fyrir neðan, enda hafa markaðsaðstæður fyrir sjávarafurðir verið afar erfiðar frá því heimsfaraldurinn skall á. Verðlækkanir hafa jafnframt heldur verið að færast í aukana eftir því sem liðið hefur á árið, enda hefur faraldurinn farið aftur á flug og sóttvarnaraðgerðir samhliða því.

Mismikil lækkun
Þróunin á afurðaverði er þó talsvert mismunandi eftir einstaka afurðaflokkum og tegundum, enda eru sjávarafurðir afar fjölbreyttar og fluttar út til mismunandi landa og á ólíka markaði. Það má til að mynda sjá á myndinni hér fyrir neðan sem sýnir tólf mánaða breytingu á verði botnfiskafurða í erlendri mynt frá ársbyrjun 2019. Þar má sjá að í október höfðu ferskar botnfiskafurðir lækkað minnst í verði en skreið mest. Í heild hafa botnfiskaafurðir þó lækkað talsvert minna í verði en aðrir tegundahópar miðað við verðvísitölur Hagstofunnar. Þannig hafði verð á botnfiskaafurðum lækkað um tæp 5% á milli ára í október á sama tíma og verð á skelfiski hefur lækkað um rúm 13% og á uppsjávarafurðum um 17%.

Endurskoðaðar tölur væntanlegar
Ofangreind þróun á verðvísitölu sjávarafurða styður þá ályktun, sem kom fram í grein á Radarnum í byrjun þessa mánaðar, að afurðaverð hafi spilað talsverða rullu í þeim samdrætti sem átti sér stað í útflutningsverðmætum sjávarafurða í október. Það mun koma betur í ljós þegar Hagstofan birtir tölur um vöruviðskipti fyrir janúar til október, en þá mun liggja fyrir sundurliðun á því hvernig útflutningsverðmæti sjávarafurða í október skiptist niður og hvert útflutt magn var. Birting á þeim tölum hefur verið flýtt, en samkvæmt fréttatilkynningu Hagstofunnar frá því í morgun verða tölurnar birtar á fimmtudaginn í stað mánudags í næstu viku. Auk hefðbundinnar útgáfu mun Hagstofan einnig birta endurskoðaðar tölur um utanríkisverslun nokkur ár aftur í tímann, og án efa munu verða einhverjar breytingar á tölum um útflutning á sjávarafurðum.

Nýjustu fréttir

Áhugavert

Útboð Vestmannaeyjabæjar um heilsurækt aftur til kærunefndar

Myndband

Myndband frá höfninni: Steðji VE landar

Aðsend grein

Að loknu prófkjöri

Úr blaði Eyjafrétta

Bærinn eignfærir lögfræðikostnað 

Íþróttir

ÍBV tapaði gegn Haukum

Fréttir

Bæjarráð hafnar bótakröfu vegna gatnagerðar við Alþýðuhús

Úr blaði Eyjafrétta

Laxey rís í Vestmannaeyjum

Íþróttir

Arnór bestur í tapi Karlskrona

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki