Mikið af olíublautum fuglum

Það er í mörg horn að líta hjá starfsfólki Sea life þessa dagana þegar pysjutíminn er að nálgast hápunkt. Því miður er ekki allir fuglarnir sem berst til þeirra jafn sprækir, því mikið hefur borist af olíublautum fuglum inn á safnið. „Við fengum óvenju marga fugla til okkar í byrjun árs. Langvíur, álkur, teistur, lunda, skarf og hávellu. Flestir voru þeir að finnast í Höfðavík, þannig að það hefur líklega verið olíuflekkur hér rétt sunnan við Heimaey. Fæstir þeirra fugla sem lenda í olíu ná landi og enn færri eru svo heppnir að finnast. Það eru nágrannar mínir, þau Valgeir og Kolka sem eru að finna flesta þessara fugla. Við náum sem betur fer að hreinsa þá flesta og koma þeim til heilsu. Stundum eru þeir þó það langt leiddir að þeir eiga enga von. Þeir reyna sjálfir að hreinsa olíuna úr fiðrinu og fá þá olíu í meltingarveginn. Það er mjög slæmt fyrir þá og þá er erfitt að hjálpa þeim,“ Segir Margrét Lilja Magnúsdóttir, Ekkert er vitað um það hvaðan þessir flekkir koma og af hverra völdum. Ljóst er að flekkir sem þessir geta valdið miklum skaða í lífríkinu. „Olían veldur því að fiður fuglanna heldur ekki lengur vatni frá líkamanum og þeir blotna mikið. Þeir verða smám saman þyngri og þyngri í vatninu. Hér á norðurslóðum er þetta sérstaklega slæmt því að fuglarnir hreinlega krókna.“
Lundinn á myndunum fannst við innsiglinguna en þaðan koma reglulega fuglar til hreinsunar á safninu. „Líklega þurfum við að hreinsa hann aftur. Áður en við sleppum honum verður hann prófaður. Þegar við hreinsum fuglana notum við sápu, sem tekur einnig náttúrulegu fituna sem er í fiðrinu og gerir fuglana vatnshelda. Það tekur þá yfirleitt einhverja daga fyrir þá að ná upp fitunni í fiðrið aftur. Þá fyrst er hægt að sleppa þeim, sagði Margrét.

Nýjustu fréttir

Aðsent
„Þjóðvegurinn okkar er brotinn“
Íþróttir
Elmar kom að 15 mörkum fyrir Nordhorn-Lingen
Fréttir
Náðu fjórum tímum í dýpkun í gær – uppfært
Stjórnmál
Spurt og svarað: Sonja frá Miðflokknum
Íþróttir
ÍBV sækir Hauka heim í öðrum leik undanúrslita
Íþróttir
ÍBV tapaði á Hlíðarenda
Fréttir
Bæjaryfirvöld kalla eftir tafarlausum aðgerðum vegna samgöngustöðu
Samgöngur
Baldur fyrr í áætlun vegna biðlista
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.