Það verður mikið um að vera í Safnahúsinu um sjómannadagshelgina. Einn liður í sjómannadagskránni er að opna dyrnar að fágætissal Safnahúss en þar verður tekið á móti gestum föstudag, laugardag og sunnudag kl. 13-17.

Í dag,  uppstigningardag, kl. 14 opnar Lista- og menningarfélag Vestmannaeyja myndlistarsýningu í Einarsstofu í Safnahúsi Vestmannaeyja. Sýningin er samsýning félagsmanna og að þessu sinni taka 15 félagar þátt í sýningunni.

Sýningin verður opin um sjómannadagshelgina á opnunartíma hússins kl. 10-17. Minnt er á að opið er í Sagnheimum alla daga í sumar kl. 10-17. Síðasta laugardagsopnun á Bókasafninu kl. 12-15 en við bjóðum aftur upp á laugardagsopnun frá og með 1. september. Verið öll hjartanlega velkomin, segir í tilkynningu frá starfsfólki Safnahúss.

Hér má sjá myndbönd frá opnun fágætissalarins.